Klik hier om uw eigen herinneringen of aanvullingen te sturen.
Omschrijving van de foto:
“Ut elektrisch huuske”
Wie staan op de foto:
De foto toont “Ut elektrisch huuske” dat aan de Kerkstraat te Roggel heeft gestaan. Medio 1984 / 1885 is dit afgebroken.
Waar is de foto gemaakt:
Kerkstraat te Roggel, tegenover zaal “La Rochelle”
Wanneer en waarom is deze foto gemaakt:
Wie heeft de foto gemaakt?
Onbekend.
Overige opmerkingen, herinneringen en anekdotes:
Ut electrisch huuske.
Geschreven door Fien Heijnen-Vaes.
De Kèrksjtraot mèt zien electrisch huuske, Zien sjoeal en de moor van Stėves. De brandjwaer en Claesse Frenske, Seûre Piēr en sjoester Vaes, Det waas ut wat ter waas. Sjilders van den Beuken en Klaosse Han, Woea is ut allemaol geblaeve, waem wètj dao nog get van. ’t Waas mien beeldj van de Kèrkstraot in vreuger tied, Biej det electrisch huuske waerdje ich väöl jonge tied kwiet. We kóste ós dao achter verberge, Zitte op de stuupkes en deje kölse of lendjepik inne zandj, Want der waas geine sjtoep aanne kantj. Same spelkes doon en leedjes zinge, Toen we groeater waore deeje we anger dinge. Aafspreukskes make en achter ut huuske ein pötje vrieje, ‘t waas ein veilig plekske väör menige blieje, Dae ging nao hoes en mèt ein bietje gelök, Kwaam hae de volgende zunjig trök. Vanoet ut raam koste wae hem zeen sjtaon, En probeerdje wae stiekem nao hem toe te gaon. ’t Waas soms romantisch en altied duuster, Daoróm klónk dao steeds gefluuster! Mer verbie is dae sjoeane tied, ‘t electrisch huuske zeen we kwiet. De herinnering is geblaeve, en daoróm höb ich dit opgesjraeve.
Mit ut matinee.
Geschreven door Huub Smits
Waat bie ut electrisch huuske ouch neet kos misse, waas onger ut matinee nao boete aom dao te gaon pisse en waor ze later oppe daag in ins neet mieer zonne graoete vent, den leet ze dao alles achter waat ze binne haats getenktj.
Herinneringen aan ut elektrisch huuske.
Geschreven door Huub van Heur
’t Electrisch huuske herinner ich mich vooral van de friettent van Bèrke Timmermans in de inj fieftiger- begin zestiger joare. Lekker ein frietje eate voar 15 ct. voar eine kleine friet en 25 ct voar eine groate friet en 25 ct voar ein knakworst. Bie goot wear zoot sunjes-soaves ein ganse rie jonge te sjmikkele van de lekkere friet op de trap van ’t elektrisch huuske en weardje sjoane kal gedoan over alles wat doa den neave kwaam mer voaral nateurlijk oaver de meadjes. Is ter missjien nog emes dea ein foto heat van de friettent van Bèrke samen mèt ’t electrisch huuske, det zooi de herinnering weer get leavendjig maken?
